SERBISYONG TOTOO...

Mga kaigsoonan ko sa Calubian, ang opisina sa Agrikultura sa atong lungsod naghatag ug serbisyong walay tihik tihik, ug usa lamang ang among katuyoan nga mao ang pagpalambo sa kinabuhi sa atong mga mag uuma. Sukwahi sa mga pulong sa ubang Politiko nga gibuhat lamang kini namo tungod kay nagkadool na man ang piniliay, ako lang klarohon nga kining among serbisyo mapadayonon kini,  may eleksiyon man o wala. Tungod kay ang mga tawo sa Agriculture dili mga politiko ug dili mga kandidato. Busa, kadtong nagsulti ug mga fake news diha, nagbutang butang ug maot,  huna hunaa ninyo sa makadaghan tungod kay ang Politika lumalabay lamang apan ang serbisyo sa among opisina sa kanunay anaa sa matag adlaw. Kun duna may kausaban sa mga kinaiya sa mga mag uuma, kana tungod kay mituhop na sa ilang galamhan nga ang kalambuan maangkon lamang kun kita managhugpong ug magtinabangay. Usa sa mga kahugpungan o asosasyon sa mga mag uuma nga mitoo sa panudlo sa atong opisina mao ang KAFA o Kabicolan Agri-Farmers Association nga anaa sa Sitio Kabicolan nga gipanguluhan ni Carmen Umpad. Sila nag buhat usab ug Vegetable techno-demo ug ang ilang mga membro nakakat-on na sa mga bago ug modernong pamaagi sa panguma nga gitudlo sa Agriculture Office. Pwede ninyo silang suruyon sa Sitio Kabicolan. Ang ilang farm hadool sa balay ni Konsehal Rebecca "Vicky" Wasquin.